🙏🏻 *अवश्य वाचा*  🙏🏻

____________________
*प्रधानमंञी साहेब !*
___________________

जनसेवेचा लावून रेटा
प्रधानमंञी साहेब!
आपण बदलविल्या नोटा.
पैसा असो खरा वा खोटा
तुमचा निर्णय माञ नव्हता छोटा..

नक्की खरं सांगतो
प्रधानमंञी साहेब!
तुमच्या धाडशी निर्णयानं
ढिला झालाय अनेकांचा फेटा.
सामान्य माणसांचा जरी
वाढलाय थोडा आटापिटा...

भारतातच काय
प्रधानमंञी साहेब !
बँकासमोर सामान्य माणसांचा
आज काय आहे तोटा?
गर्दी पाहून बँक मँनेजरला
यायला लागल्या फिटा..

आश्चर्य वाटलय तेव्हा
प्रधानमंञी साहेब !!!
मुलीच्या लग्नात पाचशे कोटी
खर्च करतात येथे जनार्धन रेड्डी.
दुसरीकडे सैराट मधून
नागराज मंजुळेंना दाखवावी लागते
गरीबाची फाटकी चड्डी..

सार्थ अभिमान वाटतोय
प्रधानमंञी साहेब आपला.
निर्णय क्षमतेमध्ये आज इथे
तुमच्यापेक्षा कोणी नाही मोठा.
समतेसाठी एकदा संपवून टाका
अदानी- अंबानी, बिर्ला अनं टाटा...

चिंता नका करु
प्रधानमंञी साहेब !
इथला सामान्य माणूस
कधी म्हणणार नाही,
झालाय माझा घाटा.
भडकलाच हा प्रभाकर म्हणेल
थांबुन जा रे बेटा..

नम्रपणे विनंती करतो
प्रधानमंञी साहेब !
घ्या निर्णय एकदाचा
जरी कोणी म्हणेल याला पिटा.
या सामान्य माणसासाठी,
काढा सर्व  धार्मिक स्थळांमध्ये
लपविलेल्या सोन्याच्या  विटा.


"""""""""""""""""""
*डॉ प्रभाकर रामाजी लोंढे*
*गोंदिया-चंद्रपूर*
------------------------------------------

*मिञानो!!! काल माझा मिञाने एटिएम च्या लाईन मध्ये उभा असताना कचरा वेचुन उदरनिर्वाह करणारी स्ञी आपल्या मुलीला शाळेत नेवुन पोहचवितांना पाहीली. मुलगी शाळेच्या ड्रेसवर. आई रस्त्याने कचरा (प्लस्टीक बाटल वगैरे ) वेचत रस्त्याने दोन्ही कामे कराताना पाहीली. त्याने तो अनुभव माझ्याशी शेअर केल्यावर मी माझ्या भावना शब्दांत मांडण्याचा प्रयत्न केला* बरा वाटला तर अवश्य सांगा.

""""""""""""""""""""""""""""""""""""""""""""
*कचरावाट*
------------------
जा गं पोरी शाळेत तु
तु शोध मार्ग दुसरा.
जीवन गेल माझं सारं
उचलता उचलता कचरा....!!धृ!!

नको येऊस माझ्या माघारी
मिळणार नाही तुला आसरा
इथे पोट कधी भरत नाही
दिवाळी असो वा दसरा ..
            जा गं पोरी शाळेत तू
             तू शोध मार्ग दुसरा..

व्यवस्थेच्या उंबरठ्याशी
मी मारते आहे चकरा
संपलय माझं जीवन आता
दिवस उरलेय अकरा.
           जा गं पोरी शाळेत तू
             तू शोध मार्ग दुसरा..

घे उंच भरारी तू
जसा आकाशी उडे शिकरा
दाखवून दे एकदा तू
स्त्री जातीचा नखरा..
            जा गं पोरी शाळेत तू
             तू शोध मार्ग दुसरा..
       

संपवून टाक कचरा सारा
वाहू दे समृद्धीचा वारा
कचरा वाटेवरुन चालतांना
कळू दे तुझा दरारा.
             जा गं पोरी शाळेत तू
             तू शोध मार्ग दुसरा..
""""""""""""""""""""""""""""""""""""""

 *डॉ प्रभाकर लोंढे गोंदिया-चंद्रपूर*