गद्दारानो!!

देशोदेशीचे
संपविले पुतळे
म्हणून  काय
विचार संपविणार तुम्ही?
या मातेच्या
गद्दारानो!! कधी सुधारणार तुम्ही?

आदर करताच
येत नसेल तर
अपमान तरी
का करता तुम्ही?
या मातेच्या
गद्दारानो!! कधी सुधारणार तुम्ही?

सिमेंट दगडांचे
तोडले पुतळे
म्हणून माणसं
बदलविणार काय तुम्ही?
या मातेच्या
गद्दारानो!! कधी सुधारणार तुम्ही?

विरोधी विचारावर
विश्वासच नसेल तर
पुतळ्यांना प्रतिक
का मानतात तुम्ही?
या मातेच्या
गद्दारानो!! कधी सुधारणार तुम्ही?

जन्माला तुम्ही
जिवंत माणूस तर
माणसावर विश्वास
कधी ठेवणार तुम्ही?
या मातेच्या
गद्दारानो!! कधी सुधारणार तुम्ही?

डॉ. प्रभाकर लोंढे गोंदिया
९६७३३८६९६३