सज्जन...
----------

वास्तवाची कास! सत्याचा ध्यास!!
करावा तो अभ्यास ! सज्जनानी..!!१!!

सज्जन तोची देव ! सांगे सत्यदेव !!
म्हणोनी करावा सत्याचा प्रचार ! सज्जनानी !!२!!

सत्याचे ज्यास अपचन! तयास नसते कार्याचे भान.
तयांचे समजून घ्यावे संघटन ! सज्जनानी !!३!!

करी जो सत्याचा प्रचार!! उपहास त्याचे जीवनाचे सारं !
तरी न सोडावा संसार !!  सज्जनानी  !!४!!

विरोधक लाविती लांछन ! देती पदोपदी अपमान!
तरी द्यावा तयास सन्मान !! सज्जनानी !!५!!

दुर्जन भासविती सज्जन! म्हणोनी त्यास पुजती सारे जन!!
तरी न सोडावा स्वभावगुण !! सज्जनानी !!६!!

एकाकी जगता जीवन! न ढळू द्यावे निश्चल मन!!
निधळ्या छातीने करावे वर्तन! सज्जनानी !!७!!
"""""""""""""""""""""""""""""""""""""""""""""""""""""

डॉ. प्रभाकर लोंढे गोंदिया चंद्रपूर